حبها للسفر والأماكن السياحية جعل ابنة محافظة القاهرة تروج لتلك المعالم والعادات والتقاليد التي يتميز بها سكان كل منطقة، وخاصة غير المعروفة في مصر، منها مدينة «سيوة» التي توجد في الصحراء الغربية.
الزي السيوي
ارتدت «سارة حسن» الملابس السيوية بتصميمها القديم، قائلة: «أنا روحت زورت سيوة وحضرت أفراح هناك وكمان اللبس فيه تصميم كتير، وكنت مبسوطة جدا بالتجربة دي وهما لسه محافظين على التراث بتاعهم» بحسب ما روته لـ«الوطن».
مجهود كبير يبذله أهالي سيوة حتى ينتهوا من تصميم تلك الملابس: «الملابس دي بتاخد وقت طويل جدا على ما يخلص عشان بيكون فيه شغل خرز كتير»، إذ سيطرت عليها حالة من السعادة والفرح عندما قامت بتلك التجربة: «كنت مبسوطة جدا عشان حضرت الفرح السيوي، وعرفت العادات والتقاليد بتاعة البلد».
بداية العمل في فكرة الترويج للأماكن السياحية
منذ 7 سنوات بدأت «سارة» فكرة الترويج للأماكن السياحية في مصر، من أجل إخبار الآخرين بها، إذ قامت بزيادة مختلف المناطق التي وثقتها بعدسة كاميرتها، ومنها السويس والإسماعيلية وبورسعيد وكذلك الأماكن التاريخية في القاهرة.
وبعد أن وثقت ابنة محافظة القاهرة الأماكن السياحية، نشرتها على مواقع التواصل الاجتماعي وخاصة جروبات السفر، الأمر الذي نال إعجاب الجميع: «بعد لما كنت بصور الأماكن كنت بنزلها على جروبات السفر وفي ناس كتير بدأت تستفسر عن إزاي تروح الأماكن دي» مشجعة الآرين على التمتع بجمال الأماكن التاريخية في مصر.