رغم عمرها الصغير، استطاعت «حلا» حجز مكان على منصات التتويج بالبطولة العربية للجودو المقامة ضمن فعاليان مهرجان العلمين الجديدة 2023 بمدينة العلمين، وأصبحت أصغر مشاركة تحصلعلى الميدالية الذهبية عن عمر 10 سنوات، ورغم مرور 10 أشهر فقط على بداية أول تمرين لها برياضة الجودو، إلا أن حماسها وحبها للرياضة، كان المحرك الأساسي لها.
حلا عمران، فازت بالميدالية الذهبية بالبطولة العربية للجودو بالعلمين، وخلال شهر يونيو من العام الجاري، حصلت أيضًا على الذهبية في إحدى بطولات الجمهورية، نهى أسامة، والدتها، تحكي لـ«الوطن»، بداية تعلم ابنتها «الجودو» وسبب اختيارها دونًا عن الرياضات الأخرى: «كان سبب لعب الجودو إنها تتعلم لعبة دفاعية وفيها كتير من الأخلاق، مش لعبة عنيفة وبس، ده السبب في الأول، وبعد كده بدأ المدربين يشوفوا فيها إنها عندها الموهبة وبتتطور بسرعة، وكانت بتتفرج باستمرار على فيديوهات وتقرأ كتير عن الجودو».
تمرين كل يوم.. خلال الليل والنهار
كانت تؤدي «حلا» تمريناتها يوميًا، وفي بعض الأيام خلال ساعات النهار والليل، من تمارين الجودو إلى صالات الألعاب الرياضية واللياقة البدنية: «المدب مصطفى كامل وكريم مصطفى بذلوا جهد كبير جدًا مع الأولاد علشان يقدروا يشاركوا في البطولة العربية بالعلمين، وحلا عملت مجهود كبير علشان تقدر تحافظ على وزنها اللي هتشارك عليه ف البطولة، وضحت بحاجات كتير في حياتها علشان البطولة دي خاصة إنها جايه في الإجازة».
أصغر المشاركات في البطولة العربية للجودو
لم تحلم «حلا» بالمشاركة في البطولة العربية للجودو بالعلمين وحسب، بل بالحصول على ميدالية، فكان هدفا أمام عينيها سعت لتحقيقه، واجتهدت للوصول إليه، واحتاجت إلى دعم خاص، لأنها أصغر المشاركات في البطولة، فكانت أسرتها، أبرز داعميها، وفقًا لحديث والدتها: «حلا سابت حاجات كتير عشان التمرين، كان نفسها تحقق حاجة، وكانت أصغر البنات اللي شاركوا في البطولة، كنا معاها وبنشجعها وبنحضر معاها التمرين، اشتغلنا على الحالة النفسية عشان الرغبة والخوف وهي لسه عندها 10 سنين».
مباراة نهائية مع لاعبة جزائرية
واجهت «حلا» اللاعبة الجزائرية أسماء زرقا في المباراة النهائية، ورغم تفوق الأخيرة في بطولات سابقة، إلا أن الصغيرة استطاعت التفوق عليها: «إنجاز كبير بالنسبة لها، وبالنسبة لنا كلنا، وكان شعور حلا بعد الفوز فوق الوصف، عمرها ما انبسطت قبل كده بالشكل ده».