10:00 ص
الأحد 21 مايو 2023
حلت علينا الذكرى الثانية لوفاة ملك الكوميديا الفنان الراحل سمير غانم، والتي توافق يوم 20 مايو من كل عام، إذ رحل عن عالمنا في مثل هذا اليوم.
تحدث الفنان الراحل سمير غانم، عن تجربته مع “الدايت” في لقاء تلفزيوني سابق، قائلا: “كذا مرة أحاول أعمل دايت إنما أنا قولت الكوميديان مش مشكلة أما يبقى سمين شوية يعني، بس طبعا الرشاقة مهمة جدا، في دايت نزل عملينه في أمريكا (الصبح توست خفيف مع زبدة فول سوداني مع فنجان قهوة بلاك)،وعلى الضهرية أي حتة لحمة صغيرة مفيش عيش هنا بقى أو أي حتة فرخة صغيرة مع حبة عيش الغراب وفنجان فصوليا خضرا)”.
وأوضح سمير غانم: “أنا حبيت الدايت ده ليه.. جماله بالليل.. بالليل وحدة سوسيس أو اتنين وفنجان جزر مسلوق وكوباية أيس كريم فانيليا، وبيقولك بتنزلي تلاتة كيلو في الأسبوع .. الأيام التانية بتختلف بيجي يوم تاني الصبح يبقى بيضة وتوست وفنجان القهوة، بيقولك بعد كل أكلة تاخدي فنجان قهوة أو نسكافيه بلاك وكل يوم بيتغير نوعية الأكل”.
وأنهى سمير غانم حديثه عن تجربته الطريفة مع الدايت، قائلا: “أنا جربتها أسبوع وبقاوم نزلت فعلا تلاتة كيلو ومقدرتش تاني أسبوع،أنا بقعد أصور طول النهار هاخد زبدة معايا،
طبعا مفيش مانع الواحد ينقنقله هنا ساندوتش فولاية واحد جاب بوقسماطة من هنا فأول أسبوع خسيت تلاتة كليو وتاني أسبوع خسيت اتنين كيلو، وتالت أسبوع خسيت كيلو ، ورابع أسبوع زدت سبعة كيلو، فاللي عاوز يجربوا هو ورزقه على الله” .
يذكر أن، الفنان الكبير سمير غانم من مواليد 15 يناير عام 1937، ورحل عن عالمنا يوم 20 مايو عام 2021 عن عمر ناهز الـ 84 عاما.