11:52 م
الإثنين 07 أغسطس 2023
كتبت- شهد القاضي:
تحدث الفنان كريم قاسم عن فيلم “ولاد رزق 3 القاضية” والمقرر البدء في تصويره شهر أكتوبر القادم.
وقال خلال لقائه ببرنامج ET بالعربي: ” أنا متحمس جدا وبقالي سنة بروح الجيم ولسه لازم جيم أكتر قبل شهر أكتوبر، لازم أكون مستعد جسديا للمشاهد”.
وأضاف: “أنا لسه مقرأتش السيناريو بس أستاذ طارق بيحكيلي ومش مطمني خالص بس أتمنى يكون في تغيير وإن الشخصيات يكونوا تطوروا من الجزء التاني”.
واستكمل: “أستاذ طارق قالي إن أنا هتبهدل وأنا بحاول أستعد لكل الظروف”.
وأضاف مشيدا بالمخرج طارق العريان، وقال: “هو مخرج من ألطف المخرجين وبالنسبة لي من أحسن 3 مخرجين اشتغلت معاهم، شخص سلس وبيسمع وبيخلق مناخ إيجابي لكل الناس إنها تشتغل، وعنده ثقة في نفسه جدا ومفيش أي حاجة حد يقولها ممكن تهزه، ودي حاجة جميلة إن الواحد يشتغل مع حد كده”.
وروج المؤلف صلاح الجهيني، للجزء الثالث من فيلم “ولاد رزق”، الذي يستكمل به الجزئين الأول والثاني بعد تحقيقهما نجاحا جماهيريا عقب طرحهما بالسينمات.
وكتب الجهيني، عبر صفحته على موقع التواصل الإجتماعي “فيسبوك”: “انسى كل اللي تعرفه عن ولاد رزق و ابتدي من الأول، بس أوعى، أوعى تسلم دماغك لحد فيهم”.
“ولاد رزق 3 ” جاري تحضيره وهو من بطولة أحمد عز ، عمرو يوسف، أحمد الفيشاوي ، كريم قاسم، محمد لطفي، نسرين أمين، أحمد داوود، محمد ممدوح، آسر ياسين ومن إخراج طارق العريان.