“نام وهو مبسوط”.. الإعلامية إيمان أبو طالب تروي تفاصيل الأيام الأخيرة لـ “سمير صبري”

09:28 م


السبت 21 مايو 2022

كتب- محمد أبوالمجد:

كشفت الإعلامية إيمان أبوطالب، تفاصيل الأيام الأخيرة في حياة الفنان الراحل سمير صبري.

وقالت “أيمان” في مداخلة هاتفية لبرنامج “الحياة اليوم” على فضائية “الحياة” مساء السبت: “في الأيام الأخيرة للفنان سمير صبري خرج من المستشفى وكان قاعد في أحد الفنادق الكبرى بالزمالك وكنا دايمًا مع بعض”، مضيفة: “يوم الخميس الماضي كلمني وقالي إنتي فين يا صاحبي قولتله موجودة يا استاذ وهشوفك وروحنا وكنا على المعاد يوم الخميس”.

وتابعت: “اتقابلنا وقعدنا مع بعض حوالي 4 ساعات، وعلى طول كانت حالته النفسية حلوة سواء كان في المستشفى الأولى اللي كان فيها وبعد كده لما اتنقل للقوات المسلحة، وكان معنوياته عالية وكان بيضحك وكان هو اللي نعرفه المحب للحياة وطول الوقت عايز اللي حواليه يحكوله ايه بيحصل”.

وأردفت: “كنا بنتكلم مع بعض أو نشوف برنامج حلو أو كلمة حلوة، وكان كله طاقة إيجابية وحب للحياة والشباب الدائم”، مؤكدة: “في اليوم دا كان كأنه عمل كل اللي بيتمناه، وكان مبسوط وبيتصور مع كل الناس ويضحك في وش كل الناس”.

واختتمت: “وأنا ماشية قالي رايحه فين لسه بدري، من كتر ما الناس كانت حواليه ونام وهو مبسوط جدا ولكن البقاء لله

وكان الفنان سمير صبري غادر عالمنا ظهر أمس الجمعة 20 مايو بعد صراع مع المرض، وحرص على نعيه مجموعة كبيرة من نجوم الفن.