فتح الله يكشف مصير أحمد فتحي في بيراميدز بعد استبعاده من المباريات

كشف محمود فتح الله، المدرب العام لنادي بيراميدز، عن مصير أحمد فتحي أحد نجوم الكرة المصرية، بعد استبعاده من المباريات خلال الفترة الماضية من قبل تاكيس جونياس المدير الفني للفريق السماوي.

وقال فتح الله في تصريحات لبرنامج الماتش رفقة الإعلامي هاني حتحوت: «طبيعي عدم مشاركة أحمد فتحي لأن في كل مركز عندنا أكتر من لاعب مميز وأيا كان الاسم طبيعي جدا أنه يكون خارج التشكيل لأن الفريق عنده قائمة قوية جدا ولكن أحمد فتحي لاعب كبير وملتزم جدا وبيتمرن هو حتى الآن ملعبش ولكن هو قيمة كبيرة ولاعب كبير نعتز به وعارفين كويس بنتعامل ازاي ومع مين».

فتح الله: «أحمد فتحي هيكون ليه دور خلال الفترة المقبلة»

وتابع: «أكيد أحمد فتحي هيكون ليه دور وملعبش النهارده بكرا هنكون محتاجه ولكن المهم يكون ملتزم وهو ده اللي حاصل بالفعل الجميع ملتزم وبيقاتل وعايز يلعب».

وابتعد أحمد فتحي عن المشاركة في المباريات مع فريقه بيراميدز منذ فترة طويلة، ما تسبب في غضب وتساءل اللاعب عما يحدث معه حسب مصدر مسؤول داخل بيراميدز للوطن سبورت، حيث يتجه لاتخاذ قرار بالرحيل عن الفريق خلال يناير المقبل.