رضا عبدالعال: «مروان حمدي كان هيدخل التاريخ مثل بيبو»

أشاد رضا عبدالعال بأداء المهاجم مروان حمدي، المعار من نادي الزمالك لصفوف سموحة، بعدما سجل هدفين في شباك النادي الأهلي، خلال منافسات الجولة 23 من الدوري العام، مشيرًا إلى أنه لو سجل الانفرادات التي أتيحت له كان سيدخل التاريخ على خطى خالد بيبو مهاجم الأهلي السابق، الذي سجل سوبر هاتريك في مباراة القمة.

رضا عبدالعال: مروان حمدي كان المفروض يدخل التاريخ

وقال «عبدالعال» في تصريحات تليفزيونية، تعليقاً على أداء مروان حمدي في اللقاء الماضي ضد الأهلي: «بعد الماتش اللي فات، كان المفروض يدخل التاريخ، لو سجل الـ 3 انفرادات اللي حصل عليهم، كان عمل اللي محدش عمله في تاريخ المهاجمين الذي واجهوا الأهلي».

وأضاف: «كان سيصبح مثل خالد بيبو، لما سجل 4 أهداف في مباراة القمة، لو بطل بعدها مش هيتنسي».

وعن عودة مروان حمدي لصفوف نادي الزمالك بعد نهاية فترة الإعارة، علق رضا عبدالعال قائلاً: «لما نشوف الصفقات، لو جبت لاعب أقوى أو أعلى منه في الزمالك يبقى خلاص».

رضا عبدالعال: مروان حمدي يحتاج لقضاء سنة أخرى خارج الزمالك

وواصل: «هو بيثبتلنا إنه مجتهد، احنا قطعنا فيه بما فيه الكفاية وربنا بيمنح المجتهد، لكن كفنيات محتاج ياخدله سنة كمان بره نادي الزمالك، مع الزمالك سجل هدف وحيد، لكن السنادي هو هداف الدوري، لأنه لا يلعب تحت الضغوط».

وأتم: «بعد أول هدفين سجلهما، لو أحرز الثالث والرابع كان راح في حتة تانية، بعد ما ضيع أول فرصة كان لازم يتشد، لأنه عمل اللي عليه، لكنه ضيع 3 انفرادات، لو حد لعب مكانه كان ممكن ربنا يكرمه».

وكانت رابطة الأندية المصرية المحترفة، قد منحت جائزة أفضل لاعب في الجولة الثالثة والعشرين من عمر مسابقة الدوري المصري الممتاز، لـ مروان حمدي بعد تألقه مع سموحة، وتسجيله هدفين في شباك النادي الأهلي، قاد بهما الفريق السكندري لتحقيق فوز ثمين بنتيجة 3-2.