مشكلة السرحان أثناء الصلاة تؤرق الكثير، وهي مشكلة دائمة يرد العديد من الأسئلة حولها، ويبحث لها الكثير عن حل للتخلص منها، ويسعى المصلون دائمًا إلى الخشوع في الصلاة، وخلال برنامج فتاوى الناس على «قناة الناس» الفضائية، رد أمين الفتوى على سؤال ورد من سيدة تقول: «بصلي بقالي 30 سنة، السرحان مش بيروح مني خالص، على طول، بصلي من وأنا صغيرة، ولغاية دلوقتي السرحان ده موجود».
ورد الدكتور علي فخر، أمين الفتوى بدار الإفتاء، على سؤال السيدة عبر قناة الناس، قائلًا: إن سبب السرحان في الصلاة نتيجة الانشغال بأشياء خارج الصلاة: «لما أجي أصلي بشغل نفسي بأمور زي إن في حاجة عاوز أعملها، أو فلان هيتصل عليا، أو موقف معين من حياتنا، بيسبب إننا مش بنركز في الصلاة».
علاج السرحان أثناء الصلاة.. استحضار أنك بين يدي الله
تحدث أمين الفتوى، عن علاج السرحان في الصلاة، وهو استحضار أن المُصلي بين يدي الله تعالى، فذلك الأمر سيدعوا المصلي إلى التركيز في الصلاة: «لازم أسأل نفسي، إيه اللي بيخليني أسرح في الصلاة، وهي أشياء مخلوقة لله سبحاته وتعالى، إنشغالي بالعمل أو بالزوجة أو بالأولاد أو بأشغال خاصة عاوزه أعملها، كل دي مخلوقات، ولكن من اللي بييسر الأمر لي ولكل هذه المخلوقات، هو الله، طب ما أنا مع الخالق، كيف أشغل نفسي بالمخلوقات وأنا مع الخالق، فيجب استحضار أنك بين يدي الله».
طريقة للتخلص من السرحان أثناء الصلاة.. «حفظ آيات من القرآن الكريم»
وبعد استحضار إنك بين يدي الله ولم يتخلص الفرد من السرحان أثناء الصلاة، يجب اتباع طريقة معينة، وهي حفظ آيات من القرآن الكريم لم نحفظها من قبل، يقول أمين الفتوى: «نختار نقرأ شيء من القرآن لسه حافظينه جديد، لأن إحنا لما نقرأ من القرآن ما حفظناه جيدًا أثناء الصلاة، هنقرأه وإحنا مش مركزين وهنقرأه صح، لكن لما أكون حافظ آيتن أو تلاتة لسه جداد هصلي بيهم، فلما أصلي بحاجة مش حافظها أوي أو حافظها جديد، هركز فيهم علشان مغلطش، وده بيبقى مُعين إني ماسرحش».