09:42 م
الأحد 25 يونيو 2023
تحدثت الفنانة ألفت إمام عن تجربتها كزوجة ثانية
وقالت من خلال فيديو مع الإعلامية سهير جودة: “كان اختيار ساعتها بعقلي لأني عايزة احتواء وحد أفقه متسعة وثقافته واسعة تجاربه في الحياة أعمق فأكيد هيعلمني وأكيد هستفاد، الفلوس مكانتش حاجة فظيعة إنما الثقافة والمشاعر والاحترام والاحتواء، والموضوع مفيهوش أي مشقة ولا حاجة طالما ارتضيت من الأول إني أكون زوجة تانية يبقى خلاص”.
وأضافت متحدثة عن عدم ندمانها على هذا القرار وقالت: “دي حاجة هتسعدني إني أكون مع راجل عظيم، محترم، متدين، بيخاف ربه ليه بدل ما أخلي حاجة حلوة ليا وللآخرين أبوظها؟ أنا مش ندمانة ع القرار ده ولو رجع بيا الزمن هاخده تاني”.
وعن أسباب انفصالها قالت: “وانفصلنا بسبب إني رجعت تاني الشغل وحشني قوي أنا الأول كنت بنتقي ع الشعرة بس لقيت فيه مواضيع جيالي ورا بعضها مسرح وحاجات حلوة ومغرية جدا فبدأ يضايق فقولتله إنت متجوزني وأنا فنانة ومتقولهاش بطريقة إنها حاجة قليلة شوية لأن دي حاجة كبيرة قوي ف لغاية كده إحنا ما ضرناش بعض خلاص أنا هنزل شغلي وانت ربنا يوفقك.. ودايما باخد قراراتي في الوقت الصح فمبندمش ومبحزنش عليها”.
يذكر أن آخر أعمال ألفت إمام، مسلسل “في ال لا لا لاند” الذي تدور أحداثه حول مجموعة من الشباب يسافرون إلى إندونيسيا، لكن تحدث بعض المشكلات التى تؤدى إلى عطل فى محركات الطائرة، والتى يضطر قائدها لتغيير مسار الطائرة، والهبوط بهم إضطراريًا في إحدى جزر تايلاند، ويحاولون أن يخرجوا من الجزيرة بأي طريقة، مما يعرضهم للعديد من المشاكل والمواقف الكوميدية
المسلسل بطولة دنيا سمير غانم وحمدي الميرغني وسمير غانم وشيماء سيف ومحمد سلام وعماد رشاد، ومن تأليف هشام جمال، ومن إخراج أحمد الجندي