أمير رمسيس: “كنت ناوي أوقف مهرجانات ومعرفتش أقول لحسين فهمي لأ”

10:33 م


السبت 22 يوليو 2023

كتب- مروان الطيب:
حل المخرج ومدير مهرجان القاهرة السينمائي الدولي، أمير رمسيس، ضيفاً على برنامج “الستات” تقديم الإعلامية سهير جودة ويعرض على قناة “النهار”.

وتطرق “أمير” خلال الحوار للحديث عن تحديات الدورة الـ 45 والمقرر إقامتها في الفترة من 15 إلى 24 نوفمبر المقبل بدار الأوبرا المصرية، وعن برنامجه لدورة هذا العام وعن الضيوف المتوقع حضورهم الفعاليات، إلى جانب مشاريعه الإخراجية خلال الفترة المقبلة.

وعن عمله مع الفنان حسين فهمي رئيس مهرجان القاهرة السينمائي، قال “حسين فهمي مبهر على كل المستويات وكنت ناوي بعد تجربتي في مهرجان الجونة، أركز أكثر على صناعة السينما، حسيت إن الوقت اللي باخده ما بين عمل للتاني ابتدا يطول بسبب المهرجانات فمكنتش ناوي اشتغل في مهرجانات تاني، بس في الاخر تصحى من النوم الصبح على تليفون من حسين فهمي وبيطلب مني أني أشتغل تحت إدارته وقلت له سعاد حسني غنيت لك، ازاي أنا أقولك لأ”.

واستكمل “كنت واقع تحت تأثير كاريزمته أول احتكاك بينا لشهر ونص، قبل ما نسافر مع بعض مهرجان كان لقيت قدامي حد مبهر جداً جريء في قرارته وكنا بنبقى واقفين مثلاً في طابور بمهرجان كان، يقول أنا عاوز أقف مع الناس واتكلم معاهم وكل ده عشان يقدم دورة ناجحة ومشرفة للمهرجان”.

يذكر أن أخر أعمال المخرج أمير رمسيس كان مسلسل “نزوة” بطولة الفنان خالد النبوي والذي عرض عام 2022.