بلوجر شهيرة تبكي بعد مشاهدة مسلسل تحت الوصاية: قصة حياتي وممكن منلاقيش ناكل

قضية شائكة فجرتها أحداث مسلسل تحت الوصاية للفنانة منى زكي، وهي قانون الوصاية التي تخضع عديد من الأرامل له، بعد أن يتم الحكم بذهاب الوصاية إلى الجد أو العم بعد وفاة الأب، وهو ما تعاني منه أسر عديدة على أرض الواقع، فمؤخرًا، خرجت بلوجر شهيرة للحديث عن معاناة أسرتها من هذه الأزمة.

بلوجر تكشف معاناتها من قانون الوصاية

في مقطع فيديو عبر حسابها الرسمي بمنصة الفيديوهات «تيك توك»، خرجت البلوجر منة الزهيري، للحديث لأول مرة عن معاناة أسرتها، وبشكل خاص والدتها من قانون الوصاية على الأبناء بعد وفاة الأب، قائلة: «لسه مخلصة مسلسل تحت الوصاية، وعايزة أقول حاجة، الحقيقة ده مش مسلسل ده حياتي، زي ما أنتوا عارفين بابايا متوفى من سنتين، ومامتي في القصة دي بقالها حبة حلوين».

وبمحاولات منها لكبح دموعها، استطردت البلوجر الشهيرة حديثها، معبرة عن صدمتها البالغة في أسرة والدها المتوفى، خاصة بعدما أصبحت لديهم الوصاية بحكم القانون: «المشكلة بقى أنت بتبقى مصدوم ليه؟ عشان ناس كنت بزورها في الأعياد والمناسبات أو بييجوا يزورونا ويروحوا بليل، وفجأة هما اللي هيدوا لماما المصروف عشان تصرف علينا طب إزاي؟ ماما اللي مربياني طول سنين عمري وبتشقى عليا ملهاش حق إنها تصرف عليا؟».

@mennaelzohiry دا مش مسلسل دا حياتي #تحت_الوصاية original sound – Mohamed Hassan

منة الزهيري تطالب بتعديل قانون الوصاية 

وجهت البلوجر منة الزهيري، عدة تساؤلات استنكارية بشأن أزمتها مع قانون الوصاية، قائلة: «طب هو ينفع جدو أصلا يقف قدام ماما في المحكمة، لا جدو استحالة يعمل كده، بس بيعمل، هو عمو ممكن يعمل كده، أه عمو بيعمل كده، أبوكي مات بقى فالفلوس بتعمل، فبيبقى عندك 3 حاجات، باباكي متوفى، وناس بيتدخلوا في حياتك مش فاهمة هما بيتدخلوا فيها ليه، ومكانش ليهم أي سلطة عليك في يوم من الأيام، وأبوك مش موجود عشان يحميك، ومامتك بتشوفها بتطاطي، عشان تعدي الليلة، عشان ممكن جدا متلاقوش فلوس تاكلوا، فإحنا بنطلب تعديل القانون».