04:00 ص
الأربعاء 12 يوليو 2023
تستعد الفنانة اللبنانية سينتيا خليفة لتصوير فيلمين بهوليوود وتستعين بممثل مصري لمشاركتها بطولة رباعية مع نجوم عالميين.
وقالت خلال لقائها ببرنامج ET بالعربي: “السنة اللي فاتت كلها كنت بصور في اليونان عمل من إنتاج MBC عمل أمريكاني سعودي ولبناني والموضوع خد وقت كتير وقررت إني أروح أمريكا وللأسف توفت تيته في نفس الفترة في أول السنة وهي حد عزيز جدا على قلبي وكنت عايزة أروح أقعد مع عيلتي وأخد بريك شوية”.
وأضافت: ” خدت كورس لذيذ جدا بيعلمك طريقة تمثيل هو صعب شوية عشان بيدخل قوي في تفاصيل الشخصية وبيخليك تحس إلى أبعد الحدود إن أنت الشخصية نفسها في الماضي بتاعها”.
واستكملت: “أنا كنت رايحة أمريكا في مود تركيز إني أنا أعمل علاقات وأتعرف على ناس وأحاول أجيب ناس من هناك يكون عندهم رغبة إن هما يصوروا عندنا ومعانا ويصوروا حكاياتنا وفي نفس الوقت أجيب الناس اللي أنا بشتغل معاهم ويتبنوا الأعمال برا”.
وأضافت عن العمل الأول الذي استعانت به بممثل مصري ولم تذكر اسمه قائلة: ” هو فيلم أكشن اسمه “Deporter” طيارات بتقع وأنا عايزة إنه على متن الطيارة دي يكون في عرب أكتر من ممثلين أمريكان و بيشاركني بطولته بن كينغسلي و آرون إيكهارت وفي اسم مصري رابع امبارح تم الاتفاق عليه بس مش هقدر أقول اسمه عشان لسه مراحلوش الورق بس هو نجم كبير طبعا وهتكون لذيذة لأن أنا نفسي أمثل معاه وحلو إننا نكون احنا الإتنين في عمل عالمي”.
و عن العمل الثاني قالت: “هيتصور في مالطا اسمه “Border line” هو تصويره جوه مطعم واحد قصة مشوقة في ليلة واحدة .. ناس بيفضلوا جوه المطعم عشان في مطرة وعواصف برا فهنشوف مين بيقتل مين والأحداث إيه والمخرج لبناني بس الممثلين كلهم هيكونوا أمريكان وبريطانيين”.
تنتظر “سينتيا” عرض مسلسل “حدث بالفعل” ويشارك ببطولة المسلسل كلاً من ماجد المصري، غادة عبدالرازق، كريم فهمي، رنا رئيس، أحمد عبدالله محمود، بسنت حاتم، ومن تأليف فادي النجار والإخراج لمحمد هشام الرشيدي.
ومسلسل “حدث بالفعل” هو مسلسل مكون من حلقات منفصلة كل حكاية تتكون من 3 حلقات، وتدور أحداثه في اطار تشويقي حول الأمراض النفسية وكيفية تأثيرها على حياة مصابيها، وعلى حياة المقربين منهم.