فيديو نادر للزعيم: فيه نقاد قالوا عادل إمام ميقدرش يشيل رواية لوحده بعد نجاح “مدرسة المشاغبين”

11:23 ص


الأربعاء 17 مايو 2023

كتبت- منال الجيوشي:

يحتفل النجم الكبير عادل إمام اليوم بعيد ميلاده، ويعد الزعيم أحد أهم النجوم في تاريخ السينما والمسرح العربي.

وفي فيديو نادر مع الإعلامية أماني ناشد قال الزعيم: “الإنسان لازم يحب المهنة بتاعته عشان المهنة بتاعته تحبه، أنا بحب التمثيل جدا والمفروض أنا مهندس زراعي لكن مشتغلتش ولا يوم مهندس واتخرجت من كلية الزراعة ممثل مش مهندس أنا ممثل زراعي”.

وتابع: “في المسرح أنا فيه ميعاد بيني وبين 1500 أو 2000 شخص على المسرح كل يوم، وده عكس السينما، أنا بتعب حقيقي ومفيش حاجة في المسرح اسمها تعبان وأقعد في بيتنا مفيش حاجة اسمها أجازة مرضي أو عرضي عشان الممثل يغيب، مفيش غير إن الممثل يموت عشان ميروحش”.

وأضاف الزعيم: “الجمهور بتاعنا بيحب النجم بيروح لنجم معين ومن عيوب الكتابة الجمهور بيروح للممثل مش للكاتب، والنقاد بيقولوا عادل إمام ميقدرش يشيل رواية أو عمل لوحده بعد نجاح مدرسة المشاغبين، أنا الحمد لله بعرض شاهد ماشفش حاجة بقالي 4 أو 5 سنين”.