علاقات و مجتمع
كلمة واحدة في وقت عصيب كانت قادرة على خلق روح تنافسية وتحدٍ كبير في نفس بسنت عصام، 36 عاما، إذ هاجمها زوجها عندما طالبته بتعليمها فنون قيادة السيارات ليضحك ساخرًا من المرة الأولى: «ملكوش فيها، مش هتعرفي تسوقي أبدا»، لم يكن واقع الكلمة على السيدة ساخرًا بينما تسبب لها في ضيق كبير، ولكنها استطاعت تحويله لعزيمة كبيرة تحدت بها زوجها.
طول ما كان بيعلمني كان بيحبطني
إحباط شديد واجهته السيدة الثلاثينية من زوجها في اليوم الأول لمحاولة تعليمها القيادة: «مجرد ما غلطت اتعقدت، كان متنرفز وشاف إنه عمري ما هقدر أسوق ولا اعرف اتعلم، وقتها قررت اعتمد على نفسي».
باعتماد كبير على الذات، قررت السيدة حينها التخلي عن طلب المساعدة ومساعدة نفسها بنفسها، بحسب حديثها لـ «هُن» إذ قررت التعلم في إحدى الأكاديميات للوصول لمراحل متقدمة: «أنا متعلمتش واكتفيت بالثانوية العامة، لكن بعرف أتعلم الحاجة اللي عاوزاها وأجتهد فيها وده اللي عملته فعلًا، ونجحت فيه»
عاندت وبقيت مدربة
سنة كاملة نجحت فيها كابتن بسنت في قيادة السيارات، قبل أن تتجه للاحتراف من خلال تعلم أسس القيادة، إذ قررت نقل خبرتها وتعليم الفتيات قيادة السيارات: «الحمد لله من أول 5 حصص بيعرفوا يسوقوا، بعلمهم وفيه إقبال، بقيت أشتغل في أكتر من أكاديمية، وبعلم بشكل خاص، ومفيش حاجة أحبطتني واتعرفت في الدقي والحلمية ووسط المدينة وأماكن كتيرة أوي».
لم يؤثر نجاح «بسنت» على العناية بأولادها: «عندي 3 أولاد، ولد 17، و15، و10 سنين، وبوازن بين الاتنين والحمد لله برعاهم، وبحلم أطور من نفسي ومن شغلي أكتر»