وفاء عامر: “لو الراجل بص بره يبقى الغلط أكيد من الست”

10:30 م


الأحد 09 يوليه 2023

تحدثت الفنانة وفاء عامر عن علاقتها بزوجها وكشفت عن رأيها في علاقة الست بزوجها.

وقالت خلال لقائها ببرنامج الستات ميعرفوش يكدبوا المذاع عبر قناة سي بي سي: “هو الغلط أكيد من الست .. انتي دايما بتقولي بص بره بص بره طب هو بص بره ليه؟ هو ناقصه إيه جوا؟ خليها تنزل معاه ياكلوا حتى سندويتش فول وطعمية برا البيت”.

وأضافت عن علاقتها بزوجها المنتج محمد فوزي قائلة: “الأول أنا اللي كنت بغير جدا بس أنا خلاص اتعودت إنه لسانه حلو مع كل الناس لو قال لواحدة أيوه يا حبيبتي مش معناها إنها حبيبته أنا اللي حبيبته”.

وأضافت: “دلوقتي بغير وأنا ساكتة بس بحب أراقب عشان أشوف آخر الحكاية بس عمري ما أفتش في موبايله أبدا هو بيسيب موبايله جنبي عادي ومفيش حد يكون متجوز وفاء عامر ويبص برا أنا بعمل كل حاجة واتعلمتله الطاولة وتعلمتله الدومينو وبقيت مامته كمان”.

وشاركت وفاء عامر مؤخراً بعدد من الأعمال الدرامية والتي تم عرضها بموسم دراما رمضان الماضي وهم مسلسل “حضرة العمدة” بطولة الفنانة روبي، ومسلسل “الكتيبة 101” وشاركت بطولته نخبة من نجوم الدراما التليفزيونية على رأسهم آسر ياسين وعمرو يوسف.

يذكر أن وفاء عامر تنتظر عرض أحدث أعمالها السينمائية هذا العام وهو فيلم “أبو نسب” بطولة الفنان محمد عادل إمام والمقرر طرحه بموسم الصيف المقبل.