12:45 ص | الأحد 19 يونيو 2022
حسني عبدربه
علق حسني عبدربه قائد الإسماعيلي السابق والمشرف العام على الكرة بالنادي في الوقت الحالي، على واقعة إجبار موظف أمن النادي لطفل على خلع قميص الأهلي قبل دخول الاختبارات.
حسني عبدربه عن أزمة الطفل صاحب قميص الأهلي: لو ابني مش هقبل يتعمل معاه كده
وقال حسني عبدربه في تصريحات تلفزيونية: «مش هراضي أي أشخاص على حساب ربنا والحق، لازم أكون مع الحق، فيه غلط لازم نعترف، ده طفل مالوش ذنب إنه يعامل بالقسوة دي، لو ابني مش هقبل يتعمل معاه كده، وإنه حد يزعقله كدة ويقوله أقلع التيشرت، دي إهانة ومش مقبولة نهائيًا، مكانش ينفع نهائيًا اللي حصل مع الطفل».
وأكمل حديثه قائلاً: «مش هستنى الطفل داخل نادي الإسماعيلي عشان الجمهور ليه وجهة نظر تانية، لكن سوف أنتظره في أكاديمية القيصر الخاصة بي الساعة 8 مساءً ولو فشلت في الإسماعيلي هتبناك سنة سنتين تلاتة لو أنت لاعب كويس مدى الحياة معنديش مشكلة».
حسني عبدربه: عمري ما هرضي الجماهير على حساب الحق
وتابع: «الإسماعيلي نادي كبير أنا شايف إن كان ينزل بتيشرت الأهلي وتوصل للناس إن الإسماعيلي فخر للجميع وإنه يقدر يطلع مواهب وأنا عمري ما هراضي الجمهور على حساب الحق كان لازم نوصل رسالة إن أي حد شرف ليه يتواجد في اختبارات الإسماعيلي وبكل أدب واحترام، اللي شوفته في الفيديو ده اتعاملت معاه إني إنسان، شيلت إني إسمعلاوي، عايز أوصل للطفل بأي طريقة لأنه ملوش ذنب، أنا عندي أكاديميتي الخاصة في الشيخ زايد، وجبتله التيشرت مخصوص ومعايا في عربيتي، ومستنيه بكرة في الأكاديمية الساعة 8 ونصف».
وأضاف: «الولد لازم يعرف إن الكرة معمولة عشان تجمعنا مش عشان تفرقنا، أطالب مجلس الإدارة بإن يكون فيه عقوبة على اللي حصل، وشرف لأي حد يدخل، ممكن يبقى لاعب كبير».