شوبير: «لو كاف اعترض على اختيارات اتحاد الكرة يبقى فيه حد بيحاربنا»

علق الإعلامي أحمد شوبير على ما أثير خلال الساعات الماضية، بشأن استبعاد النادي الأهلي من دوري أبطال أفريقيا لحساب نادي بيراميدز وتقديم الأخير شكوى رسمية بشأن هذا الأمر.

وقال شوبير خلال حديثه ببرنامج ملعب أون تايم عبر شاشة أون تايم سبورت: «إحنا من زمان بنلعب الدوري خارج المواعيد بتاعته وبناء عليه بيضع اتحاد الكرة المعايير اللي بيختارها وده حصل في كل الاتحادات واللجان الموسم الماضي السنة دي الرابطة قالت لو تم إلغاء الدوري أو عدم الاستكمال هيكون طبقا لترتيب الدور الأول وحددوا الميعاد دور كامل خلص وترتيب الدور الأول بعد الانتهاء زمالك أهلي بيراميدز وفيوتشر واتبعت على كده بشكل نهائي».

شوبير: اتحاد الكرة لم يعترض على الاختيارات من قبل

وتابع : «ولكن هل الاتحاد الأفريقي من قبل اعترض على اختيارات الاتحاد المصري لم يحدث من قبل نهائيًا لو حصل وتم اعتراض من قبل الكاف يبقى والضالين أمين على الكرة في مصر كل سنة وأنت طيب هتكون سابقة تاريخية لم تحدث من قبل طيب مين اللي بيحارب وعايز يدخلنا في نفق مظلم مين يا جماعة أعتقد القصة باينة».

وأكمل : «اختيارات اتحاد الكرة الأكثر عدلا ولو عمل غير كده كنا هنبقى ظالمين الأندية كلها لأن مكنش هيكون تساوي لا فرص ولا تكافؤ الفرص ولا حاجه هتكون حصلت صح ولو حصل واتدخل الكاف في هذا الأمر لازم كلنا نقف بقا ونشوف مين بيحارب مصر لازم نسبق ونضرب جرس انذار عشان نقف ضد أي حد بيفكر انه يحاربنا من برا».