صبحي: ما فعله الشوربجي غير مقبول.. وتخلف عن التجنيد بسبب سفره لإنجلترا

اعتبر الدكتور أشرف صبحي وزير الشباب والرياضة أن لعب لاعب الإسكواش محمد الشوربجي لصالح منتخب إنجلترا غير مقبول نظرًا لأنه شارك في بطولات دولية باسم مصر وحصل على التكريم، مضيفًا: «مش مقبول أن مرة واحدة لاعب لعب بطولات دولية في مصر وتم تكريمه بشكل كبير أنه مرة واحدة يقول أنه هيحترف برة وهيلعب باسم دولة تانيةن أكيد لازم نقف ونفكر ونحاسب ونتحاسب وليه، وده لما يكون من غير مقدمات».

لدينا مشروع قومي كبير 

وأضاف صبحي خلال تصريحات تلفزيونية، «رؤيتنا للاسكواش ورؤيتي الشخصية أنه زي ما بدأ في بعض الدول المعروفة الكبيرة وزي ما ظهر فيه أبطال من باكستان في التسعينات، كان فيه بطلين من باكستان، وبعدين مرة واحدة ملقناش، وبعدين بدأنا نعمل مشروع قومي كبير وندي منح لأولادنا، وبعض الدول زي أمريكا بدأت تاخد المدربين الكبار، وبعدين تدي منح لأولادنا الصغيرين، وإحنا فطنا لده بدري وعملنا اتفاقات مع الجامعة الأمريكية والأكاديمية العربية وبدأنا نعمل منح لأولادنا داخل مصر».

وأكد صبحي أن لدينا لاعبين وطنيين ولديهم ترتيب على المستوى العالمي وسافروا للخارج ودرسوا في أكبر جامعات العالم، واستشهد بأسماء بعض اللاعبين الذين حققوا مراكز على مستوى العالم مثل مصطفى عسل رابع العالم وطارق مؤمن سادس العالم وماجد شامل ثامن العالم ويوسف إبراهيم ونوران جوهر ونور الشربيني وهانيا الحمامي وروان وسلمى هاني، لافتًا أن هؤلاء منهم من درسوا في الخارج ولكنهم يلعبون باسم المنتخب المصري.

الوزير: لعبة الإسكواش لها طبيعة خاصة

وتابع: «اللعبة دي ليها طبيعة خاصة اقتصاديا واجتماعيا واللاعب بيجي له عقود احتراف بشكل فردي وبيسعى لعقد الاحتراف وكل لاعب بيكون له منظومة وله مدرب شخصي».

وأشار صبحي أنه تفاجئ بما فعله الشوربجي: «لازم أشوف الموضوع وإحنا لسه بندرس كل حاجة»، مؤكدًا التمسك بقيادات اتحاد الإسكواش: «متمسكين بقياداتنا في الإسكواش وإحنا عاملين مشروع قومي كبير»، مشددًا على أن هناك تحقيق فيما فعله الشوربجي لمعرفة الأسباب، لافتًا إلى أن الشوربجي كان يدرس في إنجلترا وتعدى فترة التجنيد هناك، وكان محترف لحساب نادي سموحة.

وتابع: «بنتحقق أوي وبنشوف إيه الأسباب والموضوع وإحنا بنبحث الموضوع من جوانب اقتصادية واجتماعية ونفسية ومابنسبوش كده ومش هسيبه كده»، مضيفًأ: «عندنا لعبتين فرديتين بنقود العالم فيهم وليهم شكل خاص منهم الإسكواش اللي نما عن طريق الأسرة مش عن طريق الاتحاد من البداية»، لافتًا إلى أن أحد البنوك ينفق على لعبة الإسكواش قرابة 50 مليون جنيه سنويًا.