ميدو: شيكابالا يستطيع الاستمرار موسمين.. ومحمد عواد أحسن حارس في مصر

أشاد الإعلامي أحمد حسام ميدو، بالأداء الذي قدمه محمود عبد الرازق شيكابالا قائد نادي الزمالك، خلال مواجهة غزل المحلة، عقب دخوله كبديل في الشوط الثاني، مشيراً إلى أنه قادر على الاستمرار في عالم كرة القدم لمدة موسم أو موسمين، كما تطرق للحديث عن تألق الحارس محمد عواد، موضحاً أنه لاعب ملتزم محترف.

ميدو: شيكابالا محتاج مدرب يقدر يتعامل معاه زي فيريرا

قال ميدو في تصريحات تلفزيونية: «شيكابالا محتاج مدرب يقدر يتعامل معاه زي فيريرا ما بيعمل وبقولكم وقتها يقدر يستمر في الملاعب سنة أو سنتين».

وتابع: «اللي زي محمود عبد الرازق شيكابالا ده متلاقيهوش تاني، بمهاراته وموهبته».

ميدو: محمد عبد الغني أنسب بديل لطارق حامد في الزمالك

وواصل: «محمد عبد الغني قدم مباراة رائعة ضد المحلة في مركز خط الوسط وكنت أول من صرحت بأن عبد الغني أنسب بديل لطارق حامد في الزمالك».

نجم الزمالك السابق: محمد عواد لاعب ملتزم.. وربنا بيكافئه

وأضاف: «أريد توجيه التحية للحارس محمد عواد، تلاقي ناس ساكتة وصابرة، ومش بتلعب، ودلوقتي بقى بيلعب وتلاقي الدنيا بايظة عند ناس تانية عشان عواد يلعب وربنا يعوض صبره خير».

وأكمل: «عواد بالمستوى ده أحسن حارس في مصر دلوقتي، وربنا كافئه على صبره».

وأتم حديثه قائلا: «اتشرفت بتدريب عواد في الإسماعيلي والوحدة لاعب ملتزم ومحترف وسعيد جدا بيه».