عرض برنامج «مصر تستطيع»، المذاع على شاشة قناة «dmc»، ويقدمه الإعلامي أحمد فايق، اليوم الخميس، تقريرًا تلفزيونيًا بعنوان: «عماد ومينا ثنائي الحلوة والمرة.. أب يتعلم التصوير المتطور لمساعدة ابنه».
الحب يصنع المعجزات ويغير البشر
وجاء في التقرير: «الحب بيصنع المعجزات ويغير البشر ويطورهم جربوا تحبوا حد هتعملوا المستحيل علشانه والدليل مينا وعماد، مينا بالنسبة لعماد مش مجرد ابن وأب ولكن الاتنين حلم لبعض وحبوا التصوير واحترفوه، عماد عنده استديو قديم للتصوير الفوتوغرافي فيه الكاميرا المدارية ورا الشمسية وأوضة تحنيط الصور ومينا احترف التصوير بالطرق الحديثة».
وتابع: «عماد ضرب المثل في الحب، فقرر يتعلم المونتاج عشان يقدر يساعد ابنه مينا في الصور اللي بيصورها، واللي دخل عالم التصوير من 3 سنين وعماد قرر مساعدته ويطور من نفسه كمان».
«عماد»: تدريب الفوتوشوب نفعني جامد
قال عماد سمير، موظف وصاحب استديو تصوير فوتغرافيا، إنه قرر تعلم الفوتوشوب لأنها تفيده في المهنة، كما أنها تساعد ابنه في تعديل صور السيشنات، لافتا أنه يمتلك استديو قديم فقرر تطويره وتحديثه وتصوير سيشنات التصوير: «كورس الفوتوشوب نفعني جامد».
وأضاف مينا عماد، طالب ومصور، أنه استغرب بحصول والده لتدريب الفوتشوب ولكن اكتشف أنه رغب في مساعدته: «أنا غاوي التصوير لكن مليش في الفوتوشوب، لكن بابا اتعلمه عشان يساعدني ونطلع شغل أحلى».